کسی کی موت کا جو وقت ہے وہ ٹل نہ پائے گا

عبدالحفیظ اثر

کسی کی موت کا جو وقت ہے وہ ٹل نہ پائے گا
جو خالی ہاتھ آیا ہے وہ خالی ہاتھ جائے گا

کسی کی آرزو دنیا میں پوری ہو نہیں سکتی
یہ دنیا کی محبت عقلمندی ہو نہیں سکتی

جو کچھ دنیا میں ہے وہ سب فنا اک دن ہو جائے گا
کسی کی موت کا جو وقت ہے وہ ٹل نہ پائے گا
جو خالی ہاتھ آیا ہے وہ خالی ہاتھ جائے گا

چلے گا آخرت میں وہ ہی سکّہ جو ہو نیکی کا
کبھی نہ چل ہی پائے گا جو سکٔہ ہو بدی ہی کا

جو ہوگا کھوٹا سکٔہ وہ تو بدنامی دٍلائے گا
کسی کی موت کا جو وقت ہے وہ ٹل نہ پائے گا
جو خالی ہاتھ آیا ہے وہ خالی ہاتھ جائے گا

ذرا دیکھو جہاں سے شان والے مٹ گئے کتنے
نہ اُن کا نام باقی ہے نہ پورے ہوسکے سپنے

جو خود عاجز ہو اوروں کے کبھی کیا کام آئے گا
کسی کی موت کا جو وقت ہے وہ ٹل نہ پائے گا
جو خالی ہاتھ آیا ہے وہ خالی ہاتھ جائے گا

رہے گی ذات باقی اک خدا کی اور سب فانی
اُسی سے لو لگانا اس میں ہم سب کی بھلائی بھی

جو توشہ آخرت کا ہوگا وہ ہی رنگ لائے گا
کسی کی موت کا جو وقت ہے وہ ٹل نہ پائے گا
جو خالی ہاتھ آیا ہے وہ خالی ہاتھ جائے گا